სხვის რეზიუმეები

ვარ სოციალური და პოლიტიკური მეცნიერების ბაკალავრი და მაგისტრი - სოციალური დაცვისა და სოციალური პოლიტიკის მიმართულებით მრავალმხრივი პროფესიული გამოცდილებით. 27 წლის ასაკში ჩემი პროფესიული საქმიანობის ცხრა წლიანი ისტორია მოიცავს, როგორც უშუალოდ ადამიანებთან მუშაობის, ისე კერძო, არასამთავრობო და სახელმწიფო სექტორებში საქმიანობის გამოცდილებას. კარიერული განვითარების თითოეული ეტაპი ჩემთვის დაკავშირებული იყო ახალი კომპეტენციების შეძენასთან, პროფესიული პასუხისმგებლობის ზრდასთან და საზოგადოებრივად მნიშვნელოვანი პროცესების უკეთ გააზრებასთან.პროფესიული საქმიანობა 18 წლის ასაკში დავიწყე, თავდაპირველად საგანმანათლებლო მიმართულებით - მოსწავლეებს ვამზადებდი ინგლისურ ენასა და მათემატიკაში. შემდგომი გამოცდილება მივიღე სადაზღვევო კომპანია „ალდაგსა“ და ტურისტულ კომპანიაში, რის შემდეგაც საქმიანობა პროექტებისა და ტრენინგების ადმინისტრაციული და პროფესიული მხარდაჭერის მიმართულებით გავაგრძელე. აღნიშნულმა გამოცდილებამ მნიშვნელოვნად განავითარა ჩემი კომუნიკაციური, ორგანიზაციული, ანალიტიკური და გუნდური მუშაობის უნარები და ჩამომიყალიბა სხვადასხვა პროფესიულ გარემოში ეფექტიანად საქმიანობის შესაძლებლობა.21 წლიდან ჩემი პროფესიული საქმიანობა სრულად სოციალური მუშაობისა და სოციალური დაცვის სფეროს დავუკავშირე. ვმუშაობდი საქართველოს კარიტასში, შემდგომ კი - საქართველოს იუსტიციის სამინისტროში. ამ გამოცდილებამ მომცა შესაძლებლობა, სოციალური საკითხები შემესწავლა როგორც ინდივიდისა და ოჯახის საჭიროებებზე ორიენტირებული პრაქტიკის, ისე ინსტიტუციური და სახელმწიფო პოლიტიკის დონეზე.ამჟამად ვმუშაობ სოციალური დაცვის პოლიტიკის მიმართულებით და ვიკავებ მთავარი სპეციალისტის თანამდებობას. ჩემი საქმიანობის სფერო მოიცავს სოციალური დაცვის პოლიტიკის საკითხებზე მუშაობას, შესაბამისი პროცესების ანალიზსა და კოორდინაციას, პოლიტიკის განვითარების პროცესში მონაწილეობასა და პროფესიული ცოდნის გამოყენებას სისტემური გადაწყვეტილებების მხარდასაჭერად. აღნიშნული გამოცდილება მაძლევს შესაძლებლობას, სოციალური დაცვის საკითხებს შევხედო, როგორც პრაქტიკული სოციალური მუშაობის, ისე პოლიტიკის დაგეგმვისა და ინსტიტუციური განვითარების პერსპექტივიდან.ჩემი პროფესიული საქმიანობის მნიშვნელოვანი შემადგენელია უწყვეტი განათლება და აკადემიური განვითარება. ვარ მაგისტრის ხარისხის მფლობელი და ამჟამად ვემზადები სადოქტორო სწავლებისთვის. პარალელურად, მონაწილეობა მაქვს მიღებული მრავალრიცხოვან პროფესიულ ტრენინგებში, განვითარების პროგრამებსა და საერთაშორისო პროექტებში, რამაც ხელი შეუწყო როგორც ჩემი დარგობრივი ცოდნის გაღრმავებას, ისე საერთაშორისო გამოცდილებისა და თანამედროვე პროფესიული მიდგომების გაცნობას.ვფლობ ქართულ ენას C2, ხოლო ინგლისურ ენას - C1 დონეზე. ინგლისური ენის მაღალი დონის ცოდნა მაძლევს შესაძლებლობას, დამოუკიდებლად ვიმუშაო საერთაშორისო აკადემიურ და პროფესიულ რესურსებთან, კვლევით მასალებთან, პოლიტიკის დოკუმენტებსა და საერთაშორისო პრაქტიკასთან.ამ ეტაპზე დაინტერესებული ვარ დამატებითი პროფესიული საქმიანობის შესაძლებლობებით, რომელიც თავსებადი იქნება ჩემს ძირითად საქმიანობასთან და ამავდროულად მომცემს შესაძლებლობას, საკუთარი ცოდნა, გამოცდილება და პროფესიული კომპეტენციები ახალი მიმართულებით გამოვიყენო.ჩემი პროფესიული განვითარების მთავარი პრინციპია უწყვეტი სწავლა, ცოდნის პრაქტიკაში ტრანსფორმაცია და ისეთი საქმიანობის განხორციელება, რომელსაც აქვს როგორც პროფესიული, ისე საზოგადოებრივი ღირებულება. მრავალფეროვანი სამუშაო გამოცდილება, სოციალური სფეროს პრაქტიკული ცოდნა, სახელმწიფო სექტორში საქმიანობის გამოცდილება, საერთაშორისო პროექტებსა და პროფესიული განვითარების პროგრამებში მონაწილეობა და აკადემიური განვითარებისადმი მუდმივი სწრაფვა მაძლევს საფუძველს, საკუთარი თავი წარმოვაჩინო როგორც განვითარებაზე ორიენტირებული, პასუხისმგებლიანი და პროფესიულად მოტივირებული სპეციალისტი.

ვარ მუსიკოსი ვიმუშავებ რესტორანში მუსიკოსად. მაქვს მრავალწლიანი გამოცდილება. ვმღერივარ ქალაქურ და ქართულ საესტრდო სიმღერებს. მაქვს საკუთარი საესტრადო აპარატურა.