წამყვანი/ჟურნალისტი

ვეძებთ პასუხისმგებლიან, კომუნიკაბელურ და მოტივირებულ ადამიანებს წამყვანის/ჟურნალისტის პოზიციაზე, ქუჩის გამოკითხვებისა და სხვადასხვა მედია პროექტებისთვის(მომავალში სხვადასხვა გადაცემისთვის და საინტერესო პროექტებისთვის)

პოზიცია ამ ეტაპზე არის Part-Time(კვირაში ერთხელ), თუმცა წარმატებული თანამშრომლობის შემთხვევაში შესაძლებელია Full-Time დასაქმება, კარიერული წინსვლა და დამატებითი პასუხისმგებლობების აღება.

თითო პროექტზე (9-18 საათი) 200 ლარი(მომატების პერსპექტივით)

პროექტი შედგება 2 - 4 დავალებისგან, შესრულების სავარაუდო დრო შეადგენს 9-18 საათს (მაქსიმუმ 2 სამუშაო დღე), სამშაბათი და ოთხშაბათი

თუ შეთანხმებული მოცულობის მასალა უფრო მოკლე დროში შეგროვდება(მაგალითად 1 დღეში ან თუნდაც 4-6 საათში) და დავალება სრულად შესრულდება, სამუშაო დასრულებულად ჩაითვლება.

• დამოუკიდებლად საინტერესო კითხვების მოფიქრებისა და მომზადების უნარი, ყოველი პარასკევისთვის მომზადებული საინტერესო 5 - 10 კითხვა, რომელიც უნდა გამოიგზავნოს მითითებულ ელფოსტაზე, საიდანაც შეირჩევა 2 - 4 კითხვამდე

• ქართული ენის თავისუფლად(გრამატიკულად გამართულად) ფლობა;

• ინგლისური ენის ცოდნა(თავისუფლად საუბარი თუნდაც აქცენტით, დიდ პრიორიტეტად ჩაითვლება, მთავარია იყოს გასაგები);

• სხვა უცხო ენის ცოდნა ჩაითვლება დამატებით უპირატესობად (რუსული, ესპანური, ჩინური და სხვა);

• კომუნიკაბელურობა და პოზიტიური დამოკიდებულება;

• ხალხთან მარტივად ურთიერთობისა და მათი ინტერესის გამოწვევის უნარი;

• არ უნდა ჰქონდეს უხერხულობის განცდა უცნობ ადამიანებთან მისვლისა და კომუნიკაციის დაწყებისას;

• სხვადასხვა ტიპის კითხვების დასმის უნარი;

• პასუხისმგებლობის მაღალი გრძნობა, პუნქტუალურობა, სწავლის სურვილი და პროფესიული განვითარებისკენ სწრაფვა.

წამყვანს არ უნდა ერიდებოდეს უცნობ ადამიანებთან მისვლა, საუბრის დაწყება და კითხვების დასმა.ამავდროულად, აუცილებელია სხვისი პირადი სივრცისა და სურვილის პატივისცემა. თუ ადამიანს არ სურს საუბარი ან ინტერვიუში მონაწილეობა, არ უნდა მოხდეს მისი შეწუხება ან იძულება.

პროექტების თემატიკა იქნება მრავალფეროვანი.

ერთ პროექტში შევა 2 - 4 დავალება და თითო დავალებაში იქნება საშუალოდ 8 - 12 სრულფასოვანი და შინაარსიანი პასუხი

შესაძლოა ვისაუბროთ ყოველდღიურ ცხოვრებაზე, ადამიანებზე, ურთიერთობებზე, სხვადასხვა

სოციალურ საკითხებზე, გართობაზე, ტრენდებზე და ზოგადად იმ თემებზე, რომლებიც

საზოგადოებისთვის საინტერესოა.

ბევრი ვიდეო იქნება სახალისო და გასართობი ხასიათის, ამიტომ წამყვანს უნდა ჰქონდეს იუმორის კარგი გრძნობა.

ამასთან, უნდა ესმოდეს, რომ ყველა ადამიანი ერთნაირად არ აღიქვამს ხუმრობას. შესაძლოა მიიღოს უარყოფითი, უხეში ან მისთვის არასასიამოვნო პასუხებიც ასეთ შემთხვევაში საჭიროა სიმშვიდის შენარჩუნება, პროფესიონალური დამოკიდებულება და საუბრის კორექტულად დასრულება.

საჭიროების შემთხვევაში კომპანიის მიერ განსაზღვრული პროექტების, პროდუქტებისა და

მომსახურებების წარდგენისა და რეკლამირების უნარი.

ეს შეიძლება მოიცავდეს:

• სპონსორების, პროდუქტებისა და სერვისების ბუნებრივად და დამაჯერებლად წარდგენას

ვიდეოებში (Product Placement);

• სპონსორისთვის მოკლე სარეკლამო ვიდეოს გადაღებას ან მასში მონაწილეობას;

• როგორც სახალისო, ასევე სერიოზულ სარეკლამო ფორმატებში მონაწილეობას.

ჩვენ ნაკლებად ვეძებთ მხოლოდ პროფესიონალურ გამოცდილებას.

ჩვენთვის ბევრად უფრო მნიშვნელოვანია:

ვეძებთ ადამიანებს, რომლებიც აღებულ ვალდებულებებს ასრულებენ დროულად, ხარისხიანად და შეუძლიათ იყვნენ გუნდის საიმედო წევრები.

წინასწარ შეთანხმდება:

• კითხვების შინაარსი და კითხვების ხასიათი - წამყვანს ევალება კვირის განმავლობაში მოამზადოს კითხვები და გამოგზავნოს მითითებულ ელ ფოსტაზე გადაღებამდე 3 დღით ადრე (ყოველი პარასკევისთვის), აქედან შეირჩევა რომელი დარჩება და რომელი არა, საჭიროების შემთხვევაში დაემატება ჩვენგან შერჩეული თემა და საბოლოო არჩევანზე დაიწყება მუშაობა

• თითოეულ კითხვაზე მისაღები პასუხების რაოდენობა 8 - 12 სრულფასოვანი და შინაარსიანი პასუხის მიღება პასუხებად არ ჩაითვლება:

• „კი“;

რესპონდენტმა უნდა დააფიქსიროს საკუთარი აზრი და გარკვეულწილად განავრცოს პასუხი.

დავალება უნდა შესრულდეს მაქსიმუმ 2 სამუშაო დღეში.

თუ შეთანხმებული მოცულობის მასალა ერთ დღეში შეგროვდება, დავალება შესრულებულად ჩაითვლება.

საზოგადოებრივ სივრცეში მუშაობას ყოველთვის ახლავს გარკვეული რისკები.

წამყვანს და გადამღებ ჯგუფს მოეთხოვებათ კონფლიქტური სიტუაციების თავიდან არიდება.

გადაღების ადგილის შერჩევა ევალება წამყვანსა და ვიდეო ოპერატორს(საჭიროა გუნდურობა)

არ უნდა მოხდეს გადაღება ისეთ ტერიტორიაზე, სადაც მფლობელს ან ადმინისტრაციას შეუძლია

გადაღების შეზღუდვა ან აკრძალვა.

გადაღებამდე დარწმუნდით, რომ ლოკაცია შესაბამისია და არ არღვევს კერძო საკუთრების ან სხვა

მოქმედ წესებს.

თემები შეიძლება შეირჩეს:

• შემთხვევითი საინტერესო საკითხებიდან;

• სოციალური ტენდენციებიდან;

• მიმდინარე მოვლენებიდან;

• საზოგადოების ინტერესებიდან გამომდინარე.

წამყვანმა უნდა შეძლოს როგორც თემატური, ასევე ემოციური მომზადება, რადგან კონკრეტული

დავალება შეიძლება იყოს როგორც სახალისო, ასევე სერიოზული ან ემოციური ხასიათის.

ანაზღაურება გაიცემა მხოლოდ მას შემდეგ, რაც:

• წამყვანი მოამზადებს კითხვებს

• მასალა სრულად იქნება გადაღებული;

• მასალა ატვირთული იქნება მითითებულ დრაივზე(საჭიროა ვიდეო ოპერატორთან გუნდურობა)

• მასალა შემოწმდება და მიღებულად ჩაითვლება.

აკრძალულია:

• სხვა პროდუქტის რეკლამირება კომპანიის ვიდეოებში კომპანიის ნებართვის გარეშე;

• კომპანიის სახელით სხვა პროდუქტის ან მომსახურების რეკლამირება;

• კომპანიის პროექტების გამოყენება პირადი კომერციული მიზნებისთვის წინასწარი შეთანხმების

გარეშე.

კონფლიქტური სიტუაციების შექმნა

ვიდეოში გინება და შეურაცხყოფა

ამ ეტაპზე სავარაუდოდ დავალება იქნება კვირაში ერთხელ.

თუ თანამშრომლობა ორივე მხარისთვის წარმატებული და დამაკმაყოფილებელი იქნება, გაფორმდება ოფიციალური ხელშეკრულება.

კომპანია უზრუნველყოფს კანონმდებლობით გათვალისწინებული გადასახადების გადახდას.

პროექტი ახლო მომავალში გეგმავს გაფართოებას, სადაც დაემატება როგორც Indoor, ასევე Outdoor ფორმატის გადაცემები, ახალი პროექტები და ახალი პოზიციები, რაც წარმატებული თანამშრომლებისთვის შექმნის კარიერული და ფინანსური ზრდის დამატებით შესაძლებლობებს.

კამერის წინ ჩაწერილი ვიდეო 2 რაკურსით, ერთი მხოლოდ მოლაპარაკე თავი და მეორე სადაც გიჭირავთ ვითომ მიკროფონი და ჩანხართ მთლიანი ტანის რაკურსით, ერთი და იგივე ტექსტი უნდა ჩაიწეროს ორივე ვიდეოსთვის ცალ-ცალკე,

ტექსტი:"მოგესალმებით, მე მქვია(სახელი, გვარი), გიკავშირდებით ჟურნალისტის ვაკანსიის თაობაზე, წავიკითხე განცხადება, გავეცანი პირობებს, ვეთანხმები ყველაფერს და მზად ვარ ვითანამშრომლო თქვენთან, მადლობა"

და იგივე ტექსტი ინგლისურ ენაზე, ჯამში 4 ვიდეო( 2 თავი, 2 მთლიანი ტანის რაკურსით)